تعيش بكل أحاسيسي و تفكيري و أعيش أغليكـ

أنا ما أعيش معك الحب أعيش الحب كله فيكـ
أنا و إن كنت عنك بعيد لكن معك وأحيا بكـ

تعيش بكل أحاسيسي و تفكيري و أعيش أغليكـ
تحسد الحب لو تسمع حديث الروح بـ غيابكـ

تزاحم فــ الخفوق قلوب يسري نبضها بـ يديكـ
أنا كيف أختصر فيك الشعور بــ حضرة أحبابكـ

سكنت أرض الغياب و كل سيره لــ الوفا ترويكـ
عيونك موطن و غربه .. عيونك موطن أغرابكـ

أحبك لو تسافر بي على درب التعب و أمشيكـ
حبيبي في زمان البعد قلبي أصدق أصحابكـ

أحبك جرح ما يبرى عسى بعض الألم يرضيكـ
و لون بــ الرضى عيني و أسيل دمعة عتابكـ

حبيبي في ظلام الشوق كل النور ما يضويكـ
أنا صفحاتك البيضا و أنا أصدق حرف بــ كتابكـ

فرشت العمر لــ أيامك أسابق ليلتي و أجيكـ
و عرفت إن الغلا خطوه و أنا واقف على بابكـ

جفون الغيم لو تمطر دريت إن الثرى ضاميكـ
و دريت إني بــ لا موعد زرعت الحلم بــ أهدابكـ ..